ഇത്തവണ മേഘക്കും സൽമാനും റമദാൻ അൽപ്പം സ്പെഷ്യലാണ്. വിവാഹം കഴിഞ്ഞശേഷമുള്ള ആദ്യ നോമ്പാണ്. ഇരുവരും വിശ്വാസികൾക്ക് ആശംസകൾ നേരുന്നതോടൊപ്പം തന്നെ റമദാന്റെ പുണ്യത്തെക്കുറിച്ചും ഇരുവരും ഇൻസ്റ്റയിൽ കുറിച്ചു. അതേസമയം ഇത്തവണ മേഘയും വൃതം എടുക്കുന്നുണ്ടോ, അതൊക്കെ അറിയോ എന്നായി മറ്റുചിലർ. ഇരു സമുദായത്തിൽ നിന്നും ഉള്ള ആളുകൾ ആയതുകൊണ്ട് തന്നെ വിഷുവും റമദാനും മറ്റു വിശേഷങ്ങളും എല്ലാം ഇരുവരും ഒരുമിച്ചാകും ആഘോഷം. ഇരു കുടുംബക്കാരെയും അറിയിക്കാതെ നടന്ന വിവാഹം ആയിരുന്നു എങ്കിലും ഇപ്പോൾ വീട്ടുകാർ സ്നേഹത്തിൽ ആകുന്നു എന്നാണ് അടുത്തിടെ സൽമാനും മേഘയും പറഞ്ഞത്.
ഇരു വിശ്വാസങ്ങളും മുറുകെ പിടിക്കുന്ന ആളുകളാണ് മേഘയും സൽമാനും. മിഴിരണ്ടിലും എന്ന സീരിയലിലൂടെ പ്രേക്ഷക പ്രിയം നേടിയ ജോഡികളായിരുന്നു സൽമാനുൽ ഫാരിസും മേഘ മഹേഷും. സഞ്ജുവും ലച്ചുവുമായി പ്രേക്ഷർ ഏറ്റെടുത്ത ജോഡികൾ. ഇരുവരും വിവാഹിതരായ ഫോട്ടോ പങ്കുവച്ചപ്പോൾ പുതിയ പ്രൊജക്ടിന്റെ അനൗൺസ്‌മെന്റ് ആയിരിക്കും എന്നാണ് എല്ലാവരും കരുതിയത്. പിന്നീട് വ്യക്തമായ ക്യാപ്ഷനോടെ ഫോട്ടോ പോസ്റ്റ് ചെയ്തപ്പോഴും ആളുകളുടെ കൺഫ്യൂഷൻ മാറിയിരുന്നില്ല… മിഴിരണ്ടിലും എന്ന സീരിയലിന്റെ സെറ്റിൽ വച്ച് തന്നെയാണ് ഇരുവരും ആദ്യമായി കാണുന്നത്.
സൽമാനെ താൻ ആദ്യമായി ഓഡിഷൻ സമയത്താണ് കണ്ടത് എന്നും മേഘ പറഞ്ഞിരുന്നു.സൽമാൻ ഒരു ബ്രേക്കപ് കഴിഞ്ഞു നിൽക്കുന്ന സമയമായിരുന്നു. പിന്നീട് പ്രണയത്തിലൊന്നും വിശ്വാസമില്ലാതെയായി. കരിയറിൽ കൂടുതൽ ശ്രദ്ധിക്കാനും യാത്രകൾ ചെയ്യാനും ഒക്കെ സമയം കണ്ടെത്തിയ കാലം. എന്നതൊക്കെയായിരുന്നു സൽമാന്റെ തീരുമാനം. ആ സമയത്താണ് മേഘ പ്രപ്പോസ് ചെയ്യുന്നത്. അത് പ്രായത്തിന്റെ പക്വത കുറവായിരിക്കും എന്ന് കരുതി സൽമാൻ റിജക്ട് ചെയ്തു എന്നാൽ പിന്നീട് ആ ബന്ധം സൗഹൃദവറും പ്രണയവും ആയി മാറി
