വിവാഹം കഴിഞ്ഞിട്ട് അഞ്ച് മാസം മാത്രം… മരിക്കുന്നതിന് മുൻപ് വരെ കുടുംബവുമൊത്ത് കളിയും ചിരിയും… പിറ്റേന്ന് കേൾക്കുന്നത് ഭർത്താവിന്റെ അപ്രതീക്ഷിത മരണം… അതെ അത്തരത്തിൽ ഞെട്ടിക്കുന്ന വാർത്തയായിരുന്നു ആലപ്പുഴയിലെ രാഘവിന്റെ മരണം… വിവാഹം കഴിഞ്ഞ് അധികം നാളുകൾ ആകാത്ത ദമ്പതികളായിരുന്നു ആതിരയും രാഘവും. അവർ രണ്ട് പേരും ഒരുപാട് സ്വപ്‌നങ്ങളാണ് കണ്ടത്. തങ്ങളുടെ പുതിയ ഭാവിക്കായി ഒരുമിച്ചുള്ള കാത്തിരിപ്പിലായിരുന്നു രണ്ട് പേരും.
പക്ഷേ അപ്രതീക്ഷിതമായ അവരുടെ ജീവിതത്തിലേക്ക് ഈ അപകടം സംഭവിച്ചിരിക്കുന്നത്. കളിചിരികൾ നിറഞ്ഞ ജീവിതത്തിൽ പെട്ടെന്ന് സങ്കടം ചേരുമെന്ന് ആരും കരുതിയില്ല. അവരുടെ ഒന്നിച്ചുള്ള സ്വപ്‌നങ്ങളിൽ ആതിര തനിച്ചായിരിക്കുകയാണ്.രാഘവിന് അപകടം പറ്റി എന്നാണ് ആതിരയോട് പറഞ്ഞിരുന്നത്. അത് പറഞ്ഞാണ് അപകടം നടന്ന സ്ഥലത്തേക്ക് കൊണ്ടുപോകുന്നതും. അവിടെ എത്തുന്നത് വരെ അവൾ ആശ്വസിച്ചു. ചേട്ടന് ഒന്നും സംഭവിക്കല്ലേ എന്ന് പ്രാർത്ഥിച്ചു. പക്ഷേ അവിടെ എത്തിയപ്പോൾ തന്നെ അവർക്ക് കാര്യം മനസ്സിലായി. തന്നെ തനിച്ചാക്കി രാഘവ് പോയിരിക്കുന്നു എന്ന വിവരം. ഒന്നും പറയാതെ ആതിര നിശബ്ദമായി മാത്രം തേങ്ങി. കണ്ണുകളിൽ നിന്ന് ഒഴുകിയതൊക്കെയും വെറും കണ്ണീരല്ല, ഹൃദയം തകർന്ന് മുറിഞ്ഞൊഴുകിയ രക്തക്കണ്ണീരായിരുന്നു അത്. 5 മാസം മാത്രം ആയിരുന്നെങ്കിലും ആ ദാമ്പത്യജീവിതം ആതിരക്ക് ജീവിതത്തിലെ ഏറ്റവും പ്രിയപ്പെട്ട ഓർമ്മകൾ കൊണ്ട് നിറഞ്ഞതാണ്. പ്രിയപ്പെട്ട രാഘവ് ഇനി ഒരിക്കലും വരില്ലെന്ന് അറിഞ്ഞപ്പോൾ ആതിരക്ക് വാവിട്ടു കരയാൻ പോലും കഴിഞ്ഞില്ല. വാക്കുകളെല്ലാം വല്ലാത്തൊരു വേദനയുടെ അടിയൊഴുക്കിൽ മുങ്ങിപ്പോയി. തളർന്ന മനസ്സോട് സഹോരന്റെ തോളിൽ ആതിര ചാഞ്ഞ് കിടന്നു.
കഴിഞ്ഞ ദിവസം കൂടി കുടുംബം എല്ലാം ഒന്നിച്ച് ചിരിച്ച് കളിച്ച് സന്തോഷം പങ്കുവെച്ചത് ആതിര ആ നിമിഷം ഓർത്തു. അത്ര വേഗത്തിൽ ഈ ചിരികളൊക്കെയും ഇല്ലാതാവുമെന്നും, ഈ നിമിഷങ്ങൾ ദു:ഖത്തിലേക്ക് മാറുമെന്നും ആലോചിച്ചുമില്ല. ”ഇത്രയേറെ പെട്ടന്ന് പിരിയാനായിരുന്നോ നമ്മൾ?” എന്നൊരു ചോദ്യം ആതിരയുടെ ഓരോ കണ്ണീരിലും ഉള്ള ചോദ്യമായിരുന്നു. അവരുടെ സ്വപ്‌നങ്ങൾ ഒന്നിച്ച കണ്ട ഭാവി എല്ലാം തകർന്നിരിക്കുകയാണ്. അവളെ ആശ്വസിപ്പിക്കാൻ അവളുടെ സഹോദരന് പോലും വാക്കുകൾ ലഭിച്ചിരുന്നില്ല. നിർമാണം പുരോഗമിക്കുന്ന പാലത്തിന്റെ ഒരു ഗർഡർ കോൺക്രീറ്റ് ചെയ്യുന്നതിനിടെ തകർന്ന് അച്ചൻകോവിലാറ്റിൽ വീണ രണ്ടു തൊഴിലാളികൾ ഒഴുക്കിൽപെട്ടു മുങ്ങി മരിച്ചു, 5 പേർ നീന്തിക്കയറി. ചെന്നിത്തല, ചെട്ടികുളങ്ങര പഞ്ചായത്തുകളെ ബന്ധിപ്പിക്കുന്ന കീച്ചേരികടവ് പാലം പണിക്കിടെ ഇന്നലെ ഉച്ചയ്ക്ക് ഒന്നരയോടെ ഉണ്ടായ അപകടത്തിൽ മാവേലിക്കര കല്ലുമല അക്ഷയ് ഭവനത്തിൽ രാഘവ് കാർത്തിക് (കിച്ചു24), ഹരിപ്പാട് തൃക്കുന്നപ്പുഴ കിഴക്കേക്കര വടക്ക് മണികണ്ഠൻചിറ ബിനു ഭവനത്തിൽ ജി.ബിനു (42) എന്നിവരാണു മരിച്ചത്.
