സോഷ്യൽമീഡിയയിലെ താരങ്ങളാണ് പ്രവീണും മൃദുലയും. നാലര മില്യൺ ഫോളോവേഴ്‌സുള്ള ഇവരുടെ വിശേഷങ്ങളെല്ലാം പെട്ടെന്ന് തന്നെ വൈറലായി മാറാറുണ്ട്. പ്രവീണും സഹോദരൻ പ്രണവുമായിരുന്നു തുടക്കത്തിൽ വീഡിയോ ചെയ്തിരുന്നത്. സ്‌കിറ്റുകളും ഡാൻസ് വീഡിയോകളുമൊക്കെയായി സജീവമായിരുന്നു ഇവർ. പിന്നീടാണ് മൃദുലയും ഇവരോടൊപ്പം ചേരുന്നത്. അപ്രതീക്ഷിത സംഭവവികാസങ്ങളും ഇടയ്ക്ക് അരങ്ങേറിയിരുന്നു. പിന്നീടാണ് മൃദുലയും പ്രവീണും മാത്രമായി വീഡിയോകൾ വന്നുതുടങ്ങിയത്. സങ്കടകരമായൊരു വാർത്ത പങ്കുവെച്ച് എത്തിയിരിക്കുകയാണ് പ്രവീൺ ഇപ്പോൾ. അച്ഛൻ നമ്മളെ വിട്ടുപോയെന്നായിരുന്നു പ്രവീണിന്റെ പോസ്റ്റ്.
കുടുംബസമേതമായുള്ള ഫോട്ടോയും പോസ്റ്റിനൊപ്പമായി പങ്കുവെച്ചിരുന്നു. മകനും മരുമകൾക്കും കൊച്ചുമകൾക്കുമൊപ്പമായി അച്ഛനും പ്രേക്ഷകർക്ക് പരിചിതനാണ്. അച്ഛനൊപ്പമായും ഇവർ വീഡിയോകൾ ചെയ്യാറുണ്ട്. മക്കൾക്ക് വേണ്ടി അത്രയേറെ കഷ്ടപ്പെട്ട അച്ഛൻ. വിശ്വസിക്കാനാവുന്നില്ല ഈ വിയോഗം. അച്ഛനെന്താണ് പറ്റിയതെന്നുള്ള ചോദ്യങ്ങളും പോസ്റ്റിന് താഴെയുണ്ടായിരുന്നു. ഹൃദയാഘാതമാണെന്നായിരുന്നു മറുപടി.നിങ്ങൾ ഇതെങ്ങനെ സഹിക്കും, എല്ലാ കാര്യത്തിനും സപ്പോർട്ടുമായി അച്ഛൻ മുന്നിലുണ്ടാവാറുള്ളതല്ലേ. കഴിഞ്ഞ വീഡിയോയില് വരെ കണ്ടതാണല്ലോ, കുഴപ്പമൊന്നും തോന്നിയില്ലല്ലോ. അറിയുന്ന ആളായത് കൊണ്ട് മനസിനൊരു വിങ്ങൽ.എന്നേക്കാൾ ഉറപ്പുള്ള കൈകളിലാണ് എന്റെ മകൾ എന്ന് പറഞ്ഞ് അച്ഛൻ ആശീർവദിച്ചതല്ലേ നിങ്ങളെ, മൃദുല ഇതെങ്ങനെ സഹിക്കും. പ്രശ്‌നങ്ങളിൽ നിന്നെല്ലാം മാറി സന്തോഷകരമായി ജീവിച്ച് വരുന്നതിനിടയിലാണല്ലോ ഈ സങ്കട വാർത്ത.
അമ്മയെ പൊന്നുപോലെ നോക്കണേ പ്രവീണേ തുടങ്ങി നിരവധി കമന്റുകളായിരുന്നു പോസ്റ്റിന് താഴെയുണ്ടായിരുന്നത്. ഞാന്‍ നോക്കുന്നതിലും സന്തോഷമായി എന്റെ മോളെ പ്രവീണ്‍ നോക്കുന്നുണ്ട് എന്ന് വരെ പറഞ്ഞിട്ടുണ്ട് അച്ഛന്. എല്ലാവരും തള്ളിയപ്പോള്‍ മക്കളെ ചേര്‍ത്തുപിടിച്ച് വേണ്ടതെല്ലാം ചെയ്ത് കൊടുത്ത അച്ഛനാണ്. നല്ല ആളുകളെ ദൈവം നേരത്തെ വിളിക്കും എന്ന് പറയുന്നത് ഇതുകൊണ്ടാണ്. കുടുംബത്തിലൊരാള്‍ പോയത് പോലെയാണ് തോന്നുന്നത്. വഴക്ക് കാരണം വീട് വിട്ട് ഇറങ്ങേണ്ടി വന്നതിനെക്കുറിച്ചും മുന്‍പ് പ്രവീണും മൃദുലയും തുറന്നുപറഞ്ഞിരുന്നു. സ്വന്തമായി വീട് വാങ്ങിയതിനെക്കുറിച്ചും ഹോം ടൂര്‍ വിശേഷങ്ങളുമെല്ലാം ഇരുവരും പങ്കുവെച്ചിരുന്നു.
