പരിയാരത്ത് അമ്മ രണ്ടു മക്കളുമായി കിണറ്റിൽ ചാടിയ സംഭവത്തിൽ, അമ്മ ധനജയെ കോടതി റിമാൻഡ് ചെയ്തു. കിണറ്റിൽ ചാടിയതിനെ തുടർന്ന് ചികിത്സയിലായിരുന്ന മകൻ ധ്യാൻ കൃഷ്ണ മരിച്ചതോടെയാണ് ധനജക്കെതിരെ പൊലീസ് കൊലക്കുറ്റം ചുമത്തി കേസെടുത്തത്. കഴിഞ്ഞ ദിവസമാണ് ധനജയെ പരിയാരം പൊലീസ് അറസ്റ്റ് ചെയ്തത്. തുടർന്ന് പയ്യന്നൂർ കോടതിയിൽ ഹാജരാക്കിയ ശേഷം കണ്ണൂർ വനിതാ ജയിലിലേക്ക് മാറ്റുകയായിരുന്നു. കുടുംബ പ്രശ്നങ്ങളെ തുടർന്നാണ് ധനജ രണ്ടു മക്കളുമായി വീടിന്റെ പിന്നിലുള്ള കിണറ്റിൽ ചാടിയത്. അപകടത്തിൽ ഗുരുതരമായി പരുക്കേറ്റ് ആശുപത്രിയിൽ ചികിത്സയിലായിരുന്ന ധ്യാൻ കൃഷ്ണ രണ്ട് ദിവസം മുൻപാണ് മരിച്ചത്. മറ്റൊരു കുട്ടിയായ ദിയയുടെ ആരോഗ്യനില തൃപ്തികരമാണ്. കുഞ്ഞ് മരിച്ച സാഹചര്യത്തിൽ കൊലക്കുറ്റം ചുമത്തി ധനജയെ പ്രതിയാക്കി റിമാൻഡ് ചെയ്യുകയായിരുന്നു. ചെറുതാഴം ശ്രീസ്ഥയിലെ അടുത്തലക്കാരൻ ധനേഷിന്റെ ഭാര്യ പി.പി.ധനജയെയും ധനേഷിന്റെ അമ്മ ചെറുതാഴം ശ്രീസ്ഥയിലെ ശ്യാമളയെയുമാണ് (71) പരിയാരം പൊലീസ് അറസ്റ്റ് ചെയ്തത്. ആറു വയസ്സുള്ള മകൻ ധ്യാൻകൃഷ്ണന്റെ മരണത്തിലാണ് അമ്മ ധനജക്കെതിരെ കൊലക്കുറ്റത്തിന് കേസെടുത്തത്. ഭർത്താവിന്റെ അമ്മ ശ്യാമള ജീവിക്കാൻ അനുവദിക്കാത്തതിനാലാണ് 2 കുട്ടികളുമായി കിണറ്റിൽ ചാടിയതെന്ന ധനജയുടെ മൊഴിയിലാണ് ഭർതൃമാതാവ് ശ്യാമളയ്ക്കെതിരെ പൊലീസ് കേസെടുത്തത്.
അപകടത്തിൽ ഗുരുതരമായി പരുക്കേറ്റ് ആശുപത്രിയിൽ ചികിത്സയിലായിരുന്ന ധ്യാൻ കൃഷ്ണ രണ്ടു ദിവസം മുൻപാണ് മരിച്ചത്. മറ്റൊരു കുട്ടിയായ ദിയയുടെ ആരോഗ്യനില തൃപ്തികരമാണ്. അറസ്റ്റിലായ ധനജയെ റിമാൻഡ് ചെയ്ത് കണ്ണൂർ വനിതാ ജയിലിലേക്കു മാറ്റി. ജൂലായ്-30 ന് ഉച്ചക്ക് 12-നായിരുന്നു സംഭവം. ധനജ ആറുവയസ്സുകാരനായ ധ്യാൻകൃഷ്ണയെയും ഇളയമകളേയും കൊണ്ട് ഭർതൃവീട്ടിലെ കിണറ്റിൽ ചാടുകയായിരുന്നു. മക്കളുടെ കരച്ചിൽ കേട്ട് ഭർത്താവ് ധനേഷ് ഓടിയെത്തി പിന്നാലെ നാട്ടുകാരും ഫയർഫോഴ്സും ചേർന്നാണ് മൂന്നു പേരെയും കിണറ്റിൽ നിന്ന് പുറത്തെടുത്തത്. ധനജയും ഭർതൃമാതാവ് ശ്യാമളയും തമ്മിൽ ചില പ്രശ്നങ്ങളുണ്ടായിരുന്നു. ശ്യാമളയുടെ പേരിൽ ധനജ പരിയാരം പൊലീസ് പരാതി നൽകുകയുമുണ്ടായി. ഇവർ കിണറ്റിൽ ചാടിയ അന്ന് രാവിലെയും വീട്ടിൽ തർക്കങ്ങളുണ്ടായിരുന്നു എന്നാണ് വിവരം.പുറത്തെടുത്തപ്പോൾ ധനജയ്ക്കും മകൾക്കും ഗുരുതര പരിക്കുകളൊന്നുമുണ്ടായിരുന്നില്ല, ചികിത്സയ്ക്ക് ശേഷം അവർ അപകടനില മറികടക്കുകയും ചെയ്തു. എന്നാൽ ആറു വയസ്സുകാരനായ ധ്യാൻ കൃഷ്ണയുടെ നില അത്യന്തം ഗുരുതരമായിരുന്നു. അവനെ ഉടൻ തന്നെ പരിയാരം മെഡിക്കൽ കോളേജിലേക്ക് മാറ്റിയെങ്കിലും, തുടർന്നുണ്ടായ ആരോഗ്യപ്രശ്നങ്ങൾ കാരണം അവന്റെ ജീവൻ രക്ഷിക്കാനായില്ല. സംഭവം നടന്ന ദിവസം, അഥവാ ധനജ കുട്ടികളുമായി കിണറ്റിലേക്ക് ചാടിയ ആ രാവിലെയും, വീട്ടിൽ വീണ്ടും കടുത്ത തർക്കം ഉണ്ടായി. വാക്കേറ്റം ശക്തമായത് ധനജയെ മാനസികമായി ഏറെ ബാധിച്ചുവെന്നാണ് കരുതപ്പെടുന്നത്. ഇതാണ് അവരെ അത്യന്തം വേദനയും നിരാശയും നിറഞ്ഞ തീരുമാനത്തിലേക്കു നയിച്ചത്.
മകൻ ധ്യാൻ കൃഷ്ണയുടെ മരണത്തോടെ കേസിൽ വലിയ മാറ്റമാണ് സംഭവിച്ചത്. മുമ്പ് ആത്മഹത്യാശ്രമത്തിന്റെ പേരിൽ മാത്രമായിരുന്ന കേസ്, ഇപ്പോൾ കൊലക്കുറ്റമായി പൊലീസ് മാറ്റി. കാരണം, കുട്ടിയുടെ മരണം സംഭവിച്ചതോടെ സംഭവം കൂടുതൽ ഗൗരവമായി കാണേണ്ട സാഹചര്യമാണുണ്ടായത്. കഴിഞ്ഞ ദിവസം ധനജയെ പരിയാരം പൊലീസ് അറസ്റ്റ് ചെയ്തു. അറസ്റ്റ് സമയത്ത് പൊലീസ് ആവശ്യമായ നിയമനടപടികൾ പൂർത്തിയാക്കി.
