ചക്കപ്പഴം എന്ന സീരിയലിലൂടെ പ്രേക്ഷകര്ക്ക് ഒരുപാട് സുപരിചിതനായ നടനാണ് അമല് രാജ്ദേവ്. നിരവധി സിനിമകളിലും സീരിയലുകളിലും ഇതുവരെ അഭിനയിച്ചുവെങ്കിലും ചക്കപ്പഴത്തിലെ അച്ഛന് വേഷം അല്പം വ്യത്യസ്തം തന്നെയാണ്. കളി ചിരി തമാശകളോടെ പോകുന്ന പ്ലാവിലെ വീട്ടില് കുഞ്ഞുണ്ണിയെ പോലെ തന്നെയാണ് യഥാര്ത്ഥ ജീവിതത്തിലും ഏറെ കുറേ അമല്. മക്കളുമായി അത്രയും നല്ല സൗഹൃദമാണ്. പക്ഷേ ഇപ്പോള് മൂത്ത മകനെ പിടികൂടിയ അസുഖം അമലിനെ ഒന്ന് തളര്ത്തിയിരിക്കുകയാണ്.
മകന് ആദിയ്ക്ക് നട്ടെല്ലിന് വളവ് സംഭവിയ്ക്കുന്ന സ്കോളിയോസീസ് എന്ന രോഗാവസ്ഥയാണ്. അതിന് മേജര് സര്ജ്ജറിയുടെ ആവശ്യമുണ്ട്. പക്ഷെ അവന് കൂളാണ് എന്ന് അമല് പറയുന്നു. ഇന്സ്റ്റഗ്രാം പോസ്റ്റിലൂടെയാണ് ഇക്കാര്യം നടന് അറിയിച്ചിരിയ്ക്കുന്നത്. ഇന്നാണ് സര്ജ്ജറി. മകന് ആശുപത്രിയില് കിടക്കുന്ന ഫോട്ടോയ്ക്കൊപ്പം പങ്കുവച്ച പോസ്റ്റ് വൈറലാവുന്നു.
ജീവിതത്തിലെ കൊച്ചു കൊച്ചു സന്തോഷങ്ങളും സങ്കടങ്ങളുമൊക്കെയായി..പരാതികളും പരിഭവങ്ങളുമില്ലാതെ മെല്ലെയങ്ങനേയങ്ങ് പോവുകയായിരുന്നു.പെട്ടെന്നാണ്ഒരു വില്ലൻ സ്കോളിയോസീസ്(നട്ടെല്ലിന് വളവ്)രൂപത്തിൽ പ്രത്യക്ഷപ്പെട്ടത്.പക്ഷെ പിടിച്ചത് മൂത്തോൻ ആദീനെ.
സംഗതി മേജർ സർജറിയാ..ഏഴെട്ട് മണിക്കൂർ വേണംഅമ്മാതിരി ചെലവുമുണ്ട്.ഒരു മാസം നല്ല ബെഡ് റസ്റ്റ് വേണം .പക്ഷെ ആദി ഇന്നലേ റെഡിയാ !നോ ടെൻഷൻ !നോ പേടി!
അവനിതെല്ലാം വെരി ഈസി ….കൃത്യം കൃത്യംഎല്ലാം മനസിലാക്കി വച്ചിട്ടുണ്ട് .മാത്രമല്ല ഇതുമായി ബന്ധപ്പെട്ട പല വീഡിയോസും മറ്റും ഞങ്ങളേയും കാണിച്ച് ക്ലാസ്സെടുക്കാറുണ്ട്.അതാണ് ഈ ന്യൂജൻ ഗുണം!നാളെ ആസ്റ്റർ മെഡിസിറ്റിയിലാണ് സർജറി.നിങ്ങടെ കരുതലും പ്രാർത്ഥനയും ഒന്ന് ഡബിളാക്കി അവനങ്ങ് കൊടുത്തേക്കണേ.. അമല് ഇന്സ്റ്റഗ്രാമില് കുറിച്ചു.